A causa di e pandemia di COVID-19, IVA su manera di traha ta un tiki diferente. Pues, IVA lo por desvia di e plan cu a wordo traha pa e aña y pone otro prioridadnan cu tin urgencia. Ta importante si pa e tratamento di notificacion, keho, posibel calamidad y e control riba stock di remedi sigui manera normal. Sinembargo, cierto proceduranan lo ta diferente. Por ehempel, e tratamento di notificacion y keho lo tuma luga primordialmente via telefon y/of email. En caso cu un cita personal ta necesario, esaki lo tuma luga solamente via cita. Tambe, inspeccionnan cerca dunadonan di cuido lo tuma luga solamente si esaki ta necesario en conexion cu seguridad di pashent.

 

Akibou bo por haya cierto proceduranan cu ta ahusta. Por ehempel, con pa entrega un formulario di declaracion ora cu bo remedinan y/of suplementonan a wordo deteni na airport of postkantoor. 

    Kico ta e proceso pa entrega un notificacion y/of keho durante e pandemia di COVID-19?

    Durante COVID-19 notificacionnan y kehonan di pashent tocante cuido ta keda wordo atendi. E procedura ta diferente si. Pashentnan por entrega nan keho na e siguiente manera: online akinan via e formulario di keho riba nos website, telefonicamente of por escrito (email, whatsapp, via post). Si ta desea, por deposita un keho tambe por escrito personalmente na balie of den e brievenbus:

    Informacion di contacto
    Inspectie Volksgezondheid Aruba
    Seccion Meldpunt IVA
    Adres: Schotlandstraat 45, Oranjestad Aruba

    Email: meldpunt@iva.aw
    Telefon: +(297) 526 2166
    Whatsapp: +297 593 6373
    Fax: + (297) 588 2412

    A base di e conversacion via telefon of e keho por escrito cu a wordo entrega, seccion Meldpunt ta dicidi si un cita personal ta necesario pa mas informacion. Si un cita personal a wordo traha, nos ta pidi pa yega 5 minuut prome cu e cita. No bin mucho trempan pa evita aglomeracion. E demandante mag atende e cita cu un maximo di un persona mas. Den e caso cu bin cu un persona mas, mester notifica IVA di antemano. Si no ta posibel pa bin riba e cita personalmente of si bo ta malo, e ora e cita lo tuma luga via video call. Pues, durante e temporada aki di COVID-19 no ta posibel mas pa sinta cu e funcionario di keho sin un cita. Ora ta trata un (probabel) calamidad, e notificacion lo wordo manda directamente pa e Inspector di Cuido di Salud (Inspecteur Gezondheidszorg).

    Primi aki pa baha e protocol di keho.

    Con mi por entrega e formulario di declaracion ora cu mi remedi y/of suplemento a wordo deteni na airport of postkantoor?

    Bo remedinan y/of suplementonan ('zelfstandigheid') a wordo deteni na aeropuerto y/of postkantoor? E ora bo mester permiso di IVA pa por importa e 'zelfstandigheid' aki pa uzo propio. Desde e pandemia di COVID-19, tur peticion mester wordo manda digital via emailadres: ivg@iva.aw. E contesta riba bo peticion lo wordo manda via email tambe. Akinan por lesa mas tocante e documentonan cu mester entrega hunto cu e formulario di declaracion.

    E formulario di declaracion pa uzo proprio por download akinan

    Wat is het proces voor het laten importeren van bijvoorbeeld supplementen voor commerciële doeleinden?

    Pa importa productonan manera suplemento, cosmetica y remedi alternativa manera remedi homeopatico pa uzo comercial, ta rekeri un permiso.

    IVA ta rekeri e siguiente documentonan pa evalua e peticion di un 'zelfstandigheid' pa uzo comercial:

    1. Un peticion por escrito cu kier importa un zelfstandigheid/zelfstandigheden pa uzo comercial dirigi na e Inspectora di Remedi, sra. Roselynn Angela;
    2. Un muestra di e zelfstandigheid (cu bijsluiter si ta aplicabel) den e pakete original manera esaki ta wordo bendi;
    3. Un copia di e etiket y/of art work riba un A4. Esaki mester ta identico na e exemplar cu a wordo entrega;
    4. checklist yena pa controla cu tur documentonan rekeri a wordo entrega

      Si ta aplicabel mester e siguiente documentonan tambe (IVA mes lo tuma contact cu bo si acaso mester di e documento aki):
    5. Un Certificate of Free Sale (prueba cu e zelfstandigheid/zelfstandigheden ta bou control di autoridadnan den e pais di e producto su origin);
    6. Un prueba di Good Manufacturing Practice Certificate di e fabrica;

    E documentonan menciona akiriba mester manda via email na: inspectiegeneesmiddelen@iva.aw. Un funcionario di e seccion di IVA lo tuma contacto cu cu e cliente via mail pa traha un cita pa entrega e muestra y e art work na nos oficina. Pues, no tin inloop. 

    E proceso y rekesitonan ora di evalua bo productonan na IVA por lesa den e documento akinan. E documento ta inclui e lista di chekeo menciona den punto 4 akiriba cu mester entrega hunto cu e documentonan rekeri.