Inspeccion di Salud Aruba (IVA): Recalled batch Valsartan kita di mercado di Aruba (06-08-2018)

logo

Snelmenu

Zoeken

Inspeccion di Salud Aruba (IVA): Recalled batch Valsartan kita di mercado di Aruba (06-08-2018)

ORANJESTAD, Aruba – 27 juli 2018:  Inspeccion di Salud Aruba (IVA) a ricibi varios pregunta di ciudadanonan preocupa pa motibo di e noticia di e recall cu a tuma luga mundialmente di remedinan cu ta contene e stof valsartan. E remedinan aki ta wordo prescribi pa individuonan cu ta sufri di presion halto y cu problemanan di curason. Den e caso aki, e remedinan valsartan produci na un fabrica specifico na China a wordo kita for di mercado. 

Esaki ta pa motibo cu nan ta contamina cu e substancia N-nitrosodimethylamine (NDMA) cu posiblemente por aumenta e probabilidad pa haya cancer. Sinembargo, scientificamente esaki no a wordo proba ainda riba e ser humano.

Na Aruba e remedi generico Valsartan ta obtenibel cu receta na botica. E fabrica cu ta distribui e remedi a avisa e importadonan di remedi na Aruba y IVA di e contaminacion y e riesgo. E importadonan a verifica cu un di e ‘batches’ contamina a wordo importa  na Aruba y a tuma e accionnan necesario pa informa e boticanan debidamente. Ta trata di e marca Aurobindo cu number RVG 101567 di 160 mg.

Desde 1 di juli 2018 e batch specifico aki no ta obtenibel mas na e boticanan na Aruba. E Inspectora di Remedi, drs. Roselynn Angela (Boticario) ta conseha esnan cu ta uzando e remedi generico Valsartan pa no stop di bebe esaki y pa caba nan prescripcion. Si acaso bo tin duda y kier check e RVG nummer di bo remedi, por haya esaki riba e paki di remedi. Y si tin preocupacion of pregunta por acudi na bo dokter di cas of botica.

Contact us

Openingstijden:
maandag t/m vrijdag
08:00-12:00 en 13:00-16:30

Adres:
Schotlandstraat 45
Oranjestad
Aruba

T: (+297)5262160
F: (+297)5882412
E: info@iva.aw