Inspectie a publica rapport di Cuido Cronico na Aruba y ta conclui cu mester bin un Masterplan Nacional. (20-06-2019)

logo

Snelmenu

Zoeken

Inspectie a publica rapport di Cuido Cronico na Aruba y ta conclui cu mester bin un Masterplan Nacional. (20-06-2019)

ORANJESTAD, 20 juni 2019: A base di dos bishita di inspeccion na e casnan di cuido cu a wordo haci na 2018 y door di combersacionnan cu diferente dunadonan di cuido cu ta duna cuido na pashentnan den casnan di cuido, Inspectie Volksgezondheid Aruba (Inspectie) a publica un rapport tocante Cuido Cronico. Den e rapport Inspectie a duna su conclusionnan y recomendacionnan pa por mehora cuido cu ta wordo duna na nos grandinan y personanan cu limitacion fisico y mental den e casnan di cuido.

Banda di puntonan individual cu e casnan di cuido mester traha riba dje manera un permiso prome cu 1 di augustus 2019, aspectonan di higiena y di siguridad y protocolnan, Inspectie ta recomenda cu mester bin un Masterplan Nacional pa Cuido Cronico cu ta involvi diferente instancianan y stakeholders. Esaki pa motibo cu e demanda pa y e complexidad di cuido cronico ta prognostica pa sigui aumenta. Y aunke cu e casnan di cuido ta haci nan esfuerso pa implementa mehoracionnan, e complexidad di e cuido cronico aki ta pone cu nan no lo por mantene un nivel acceptabel di cuido den e casnan di cuido sin ayudo y sosten.

E Masterplan aki lo mester encera diferente puntonan manera un sistema di particion a base di ‘zorgzwaarte’. Esaki ta nifica cu e cantidad di cuido cu un pashent ta ricibi lo mester depende di e zorgzwaarte di e pashent unda pashentnan cu mas limitacion lo mester mas cuido. Tambe cu subsidio no mester ta solamente pa pashentnan di S.A.B.A. como instancia subsidia, pero pa e pashent cronico den cualkier cas di cuido. 

Desde e bishitanan di inspeccion na 2018, Inspectie ta regularmente den combersacion cu diferente instancianan cu tin di haber cu cuido cronico pa purba yega na solucionnan pa e retonan pa cu e casnan di cuido. Asina por ehempel a yega na un acuerdo cu Brandweer, DTI, Dienst Warenkeuring en Hygiene y Ouderenzorg di Departamento di Salud Publico pa loke ta trata e peticionnan pa bishita di control cu ta drenta cerca e instancianan aki pa e casnan di cuido por bin na remarke pa un permiso. Hunto a palabra cu peticionnan di casnan di cuido lo wordo proceso lihe pa si nan pasa e controlnan, nan por logra e deadline di 1 di augustus 2019. Ademas, Inspectie ta den combersacion cu e veld di cuido pa ricibi mas informacion tocante e sistema di ‘zorgzwaarte’.  Banda di esaki, Inspectie lo sigui vigila y monitor tur casnan di cuido di cerca.

E rapport completo tocante Cuido Cronico por download akinan.

Contact us

Openingstijden:
maandag t/m vrijdag
08:00-12:00 en 13:00-16:30

Adres:
Schotlandstraat 45
Oranjestad
Aruba

T: (+297)5262160
F: (+297)5882412
E: info@iva.aw