Inspectie Volksgezondheid Aruba (IVA): Remedi Valsartan di e fabrica Pharmachemie saca for di mercado pa motibo di contaminacion (07-12-2018)

logo

Snelmenu

Zoeken

Inspectie Volksgezondheid Aruba (IVA): Remedi Valsartan di e fabrica Pharmachemie saca for di mercado pa motibo di contaminacion (07-12-2018)

ORANJESTAD, Aruba – 7 december 2018:  Inspectie Volksgezondheid Aruba (IVA) a haya notificacion cu tin un cierto produccion (batch) di e remedi Valsartan di e fabrica Pharmachemie cu a wordo saca for di mercado na Boticanan na aruba pa motibo di contaminacion. E remedi Valsartan ta wordo prescribi pa individuonan cu ta sufri di presion halto y cu problemanan di curason.

E accion di e batchnan di Valsartan di Pharmachemie cu a wordo saca for di mercado na augustus 2018 ta trata door di e producto N-nitrosodimethylamine (NDMA). E biaha aki e batchnan ta contene e stof N-nitrosodiethylamine (NDEA): un producto cu door di e proceso di fabricacion di Valsartan lo por wordo crea  y cu posiblemente por aumenta e probabilidad pa haya cancer. Sinembargo, e chens cu en berdad por haya cancer door di bebe e remedi Valsartan cu ta contamina cu NDEA  ta hopi chikito.

Na Aruba e remedi generico valsartan ta obtenibel cu receta di dokter na botica. E compania  farmaceutico Pharmachemie na Hulanda cu ta produci y distribui e remedi Valsartan a avisa e importadonan di remedi na Aruba y Inspectie Volksgezondheid Aruba di e contaminacion y e riesgo. E importadonan a verifica cu tin batches contamina cu a wordo importa na Aruba y a tuma e accionnan necesario pa informa e boticanan debidamente. Seguidamente, e boticanan a kita e batchnan aki for di nan botica.

Ta trata batchnan di valsartan di e marca Pharmachemie cu RVG-nummers:

  • RVG102397;
  • RVG102398;
  • RVG102399;
  • RVG102756;
  • RVG102762;
  • RVG102764;
  • RVG102765.

E Inspectora di Remedi, drs. Roselynn Angela (Boticario) ta conseha esnan cu ta uzando e remedi generico Valsartan pa no stop di bebe esaki y ta urgi pashent cu tin preocupacion of pregunta pa acudi na nan botica. Tambe e Inspectora di Remedi ta pidi tur pashent cu ta uza e remedi aki pa controla e RVG-nummer y Batchnummer (charge) riba nan paki di remedi. Si e RVG-nummer y Batchnummer ta cuadra cu e batch cu a wordo saca for di mercado, pashentnan por tuma contacto cu nan botica pa mas informacion. Inspectie Volksgezondheid Aruba lo informa pueblo di cualkier cambio na su debido momento.

Akibou por haya un potret di con pa haya e RVG-nummer y Batchnummer riba e paki di remedi y e carta di  e compania farmaceutico cu lista completo di e batchnan cu a wordo saca for di mercado:

Contact us

Openingstijden:
maandag t/m vrijdag
08:00-12:00 en 13:00-16:30

Adres:
Schotlandstraat 45
Oranjestad
Aruba

T: (+297)5262160
F: (+297)5882412
E: info@iva.aw