IVA cu prome rond di bishita na tur cas di cuido na Aruba (20-02-2018)

logo

Snelmenu

Zoeken

IVA cu prome rond di bishita na tur cas di cuido na Aruba (20-02-2018)

ORANJESTAD, Aruba – 20 februari 2018: Inspectie Volksgezondeid Aruba (IVA) ta anuncia cu lo cuminsa cu bishita/inspeccion na tur casnan di cuido na Aruba entre 19 di februari y 1 di maart 2018. E prome rond di bishita lo ta pa cera conoci cu e organisacionnan, nan empleadonan y nan manera di traha.

Como organo independiente IVA ta carga e responsabilidad pa monitor e calidad di cuido na Aruba. Parti di esey ta pa controla si Casnan di Cuido ta cumpli cu e reglanan den e Ordenansa Nacional Cas di Cuido (Landsverordening Verzorgingshuizen) cu a drenta na vigor dia 1 di augustus 2016. E ordenansa aki ta stipula cu tur cas di cuido mester ta registra na Departamento di Salud Publico (DESPA) y cu tur mester a entrega cierto documentonan manera un plan di maneho, declaracionan di Salud di tur empleado y mester a pasa control di diferente instancia gubernamental manera Brandweer, DTI y Dienst Warenkeuring en Hygiëne.

E prome rond di bishita lo duna IVA un bon bista di e situacion actual di e casnan di cuido na Aruba y ta un oportunidad pa duna conseho pa mehoracion.

E Ordenansa Nacional Cas di Cuido por haya pa download aki.

Contact us

Openingstijden:
maandag t/m vrijdag
08:00-12:00 en 13:00-16:30

Adres:
Schotlandstraat 45
Oranjestad
Aruba

T: (+297)5262160
F: (+297)5882412
E: info@iva.aw