Inspeccion di Salud Aruba tin bon cooperacion cu diferente instancianan nacional y internacional.

    Inspectie Volksgezondheid Sint Maarten

    Cooperacion riba tereno di vigilancia y cumplimento di ley pa loke ta suministro di remedi, narcotica y cuido di salud.

    Inspectie Gezondheidszorg en Jeugd

    Cooperacion riba tereno di vigilancia y cumplimento di ley pa loke ta suministro di remedi, narcotica y cuido di salud.

    Inspectie voor de Volksgezondheid Curaçao

    Cooperacion riba tereno di vigilancia y cumplimento di ley pa loke ta suministro di remedi, narcotica  y cuido di salud.

    Openbaar Ministerie Aruba (OM) 

    Cooperacion riba tereno di hechonan penal. A base di e Ordenansa Nacional Calidad di Cuido (Landsverordening kwaliteit in de gezondheidszorg) IVA tin derechonan administrativo. Ministerio Publico ta keda responsabel pa aplicacion di ley ora ta trata hechonan penal riba tereno di calidad di cuido. IVA y Ministerio Publico tin un convenio di cooperacion y ta reuni periodicamente. 

    Medisch Tuchtcollege Aruba

    E Medisch Tuchtcollege Aruba ta trata kehonan tocante e cuido ricibi pa dunadonan di cuido. E ley disciplinario aki (tuchtrecht) tin como meta pa mantene e calidad di cuido riba un bon nivel. 

    Douane Aruba

    Cooperacion riba tereno di importacion di remedi, narcotica y kimico cu ta resorta bou di e ’Chemisch Wapenverdrag’. 

    Korps Politie Aruba

    Cooperacion riba tereno di hechonan penal. Por ehempel remedinan ilegal, abuso di narcotica y falsificacion di receta. KPA ta duna asistencia na funcionarionan di supervision di IVA.  

    College ter beoordeling van Geneesmiddelen

    Cooperacion riba tereno di registracion di remedi, efectonan secundario di remedi y recalls cu ta wordo bendi na Hulanda y Europa. 

    Organisation of the Prohibition of the Chemical Weapon (OPCW)

    Cooperacion riba tereno di kimiconan cu ta resorta bou e ‘Chemish Wapenverdrag’. E Inspector di Remedi ta e Autoridad Nacional di e “Chemisch Wapenverdrag” y tin como tarea pa monitoria e importacion di kimico y e companianan cu ta procesa e kimiconan aki.

    International Narcotics Controle Board (INCB)

    Cooperacion riba tereno di monitoria narcotica, substancia psicotropica, y productonan kimico essencial pa preveni y/of limita e mal uzo di e productonan aki. Pais Aruba tin e deber pa raporta detayenan di importacion y exportacion na INCB. Tur aña Pais Aruba ta rekeri pa duna un estimacion di cada narcotica cu Pais Aruba lo bay uza.

    Farmatec

    Cooperacion riba tereno di permiso di fabricantenan y wholesalers di remedi na Hulanda.

    Food and Drug Administration (FDA)

    Cooperacion riba tereno di registracion di remedi, efectonan secundario di remedi y recalls di remedi y suplemento cu ta wordo bendi na Merca. 

    Directie Volksgezondheid Aruba (DVG)

    Cooperacion riba diferente tereno pa loke ta cuido di salud. E tarea di DVG ta pa traha maneho y aplica ley y reglanan na bienestar di Salud Publico. IVA ta traha hunto cu por ehempel e seccion di Cuido di Nos Grandinan (DOZ), e seccion di Inspeccion di Alimento y Higiena y e seccion di Registracion di Cuido di Salud.