Remedinan 'Over The Counter' (OTC)

Remedinan OTC ta remedinan cu por wordo uza pa, por ehempel, tosamento, verkoud, dolor, diarea, dolor di musculo y kimamento di stoma. Nan ta remedinan cu bo por cumpra sin receta. E remedinan OTC aki ta wordo poni riba un lista di remedi OTC (OTC-geneesmiddelenlijst) door di e Inspector di Remedi.

E lista di remedi OTC ta contene remedinan cu por wordo teni den stock, entrega y bendi ‘over the counter’ door di companianan cu un permiso valido, sin intervencion di boticario of asistente di botica. E lista di remedi OTC ta wordo actualisa regularmente y ta wordo publica riba e website di IVA. Por lo pronto, remedinan OTC por wordo bendi solamente na Aruba na un compania situa na un hotel, aeropuerto of terminal di crucero.