Importa remedi narcotico (verdovende geneesmiddelen)
IVA ta supervisa entre otro importacion, distribucion y uzo di remedi cu ta cay bou di Landsverordening verdovende middelen (AB 1990 no. GT 7). E remedinan aki ta mas strictamente regula cu remedinan regular, debi na e aumento di riesgo di abuso y dependencia.
Pa por importa e remedinan narcotico aki, mester un permiso. Entrante 1 di juni 2026 e proceso ta completamente digital. Akibou por haya e formularionan digital pa entrega un peticion pa un permiso pa importa narcotica y/of psicotropica.
Tene na cuenta cu e proceso pa importa un remedi narcotico tin dos stap:
- Entrega un peticion pa un permiso pa cada remedi narcotico cu kier importa
- Entrega un Aanvraag Invoervergunning (AIV) na IVA ora di importa e remedinan narcotico.
Ken por entrega un peticion pa un permiso pa importa remedinan narcotico?
Bo mester cumpli cu un di e condicionnan akibou pa por entrega un peticion pa un permiso pa importa remedinan narcotico:
- Bo ta un boticario cu ta traha na un botica estableci;
- Bo ta representa un compania di importacion cu un permiso di importacion di narcotica valido;
- Bo ta un veterinario cu ta traha na un clinica di bestia, fundacion of servicio di gobierno.
Con e proceso ta cana?
E stapnan den e proceso ta wordo splica akibou. Lesa e maneho completo pa tur informacion y rekesito pa por entrega un peticion pa permiso pa importa remedinan narcotico.
Stap 1. Vergunningsaanvraag verdovende middelen
Prome cu por importa un remedi narcotico, mester entrega un peticion pa un permiso. Pa cada remedi narcotico cu kier importa, mester entrega un peticion via e formulario digital.
Ta importante pa tene e siguiente puntonan na cuenta:
- Tur informacion suministra mester ta corecto y completo;
- Mester entrega un plakzegel di AWG 4,- (obtenibel na postkantoor) como parti di e peticion;
- Pa importa remedinan narcotico registra, mester entrega un declaracion di Out of Stock, yena door di e aplicante y e importado. Si esaki no wordo entrega, e aplicacion lo no wordo procesa;
- Ora di evalua e peticion di permiso ta tene cuenta cu e quota estableci di e substancia y e pregunta si e remedi mientrastanto ta disponibel atrobe na Aruba;
- Un permiso ta valido pa 6 luna;
Formulario pa un permiso pa importa narcotica y/of psicotropica
Pa narcotica:
Pa psicotropica:
Stap 2. Aanvraag Invoervergunning (AIV)
Si ricibi un permiso, e compania di cargo mester entrega un Aanvraag Invoervergunning (AIV) na IVA ora di importa e remedinan narcotico. E peticion aki mester wordo haci via e formulario digital di AIV akibou.
E compania di cargo mester manda e peticion cu e siguiente informacion:
- Bill of lading/Airway bill;
- E factura unda ta indica e remedi;
- E permiso pa importa remedi narcotico ricibi for di IVA
Formulario Aanvraag Invoervergunning (AIV):