Home

Inspeccion di Salud Aruba (IVA) ta monitoria e cuido di salud na Aruba na un manera independiente. IVA tin e tarea importante di supervisa, enforsa leynan di cuido y advisa e veld di cuido pa salvaguardia e calidad di cuido duna na Aruba.

Control di remedi y/of suplemento pa uzo propio

Bo remedinan y/of suplementonan ('zelfstandigheid') a wordo deteni na aeropuerto y/of postkantoor? E ora bo mester permiso di IVA pa por importa e 'zelfstandigheid' aki pa uzo propio. E formulario di declaracion pa uzo proprio por download akinan

Hunto cu e formularo di declaracion mester entrega e siguiente documentonan:

  1. E documento di douane 
  2. ID valido (paspoort/rijbewijs/carnet di ID)
  3. Un copia di descripcion di e ingredientenan si ta trata suplemento (hopi biaha douane mes ta manda esaki pa IVA)
  4. Un copia di e receta di dokter si ta trata remedi

Pa motibo di COVID-19, por entrega e formulario aki solamente via email na ivg@iva.aw. Tur corespondencia cu IVA lo sigui via email tambe.

  • Ta importante pa tene na cuenta:
    • Cu si acaso bo a haci un pedido di un 'zelfstandigheid' online via un compania di cargo manera por ehempel FEDEX, DHL, Fast Delivery, cu e ora e compania di cargo mes lo mester entrega e documentonan necesario na IVA pa por saca e productonan pa su cliente.
    • Pa remedinan riba receta, en principio lo por haya permiso pa importa un cantidad ekivalente na 3 luna di uzo.
    • Otro remedinan cu no ta wordo prescribi pa un dokter lo wordo limita na un cantidad cu ta ekivalente na 6 luna di uzo.

Importacion di productonan pa uzo comercial

Pa importa productonan manera suplemento, cosmetica y remedi alternativa manera remedi homeopatico pa uzo comercial ('zelfstandigheid'), ta rekeri un permiso. 

IVA ta rekeri e siguiente documentonan pa evalua e peticion di un 'zelfstandigheid' pa uzo comercial:

  1. Un peticion por escrito cu kier importa un zelfstandigheid/zelfstandigheden pa uzo comercial dirigi na e Inspectora di Remedi, sra. Roselynn Angela;
  2. Un muestra di e zelfstandigheid (cu bijsluiter si ta aplicabel) den e pakete original manera esaki ta wordo bendi;
  3. Un copia di e etiket y/of art work riba un A4. Esaki mester ta identico na e exemplar cu a wordo entrega;
  4. E checklist yena pa controla cu tur documentonan rekeri a wordo entrega

    Si ta aplicabel mester e siguiente documentonan tambe (IVA mes lo tuma contact cu bo si acaso mester di e documento aki):
  5. Un Certificate of Free Sale (prueba cu e zelfstandigheid/zelfstandigheden ta bou control di autoridadnan den e pais di e producto su origin);
  6. Un prueba di Good Manufacturing Practice Certificate di e fabrica;

E documentonan menciona akiriba mester manda via email na: inspectiegeneesmiddelen@iva.aw. Un funcionario di IVA lo tuma contacto cu e cliente via mail pa traha un cita pa entrega e muestra y art work na oficina di IVA. Pues, no tin inloop. 

E proceso y rekesitonan ora di evalua bo productonan na IVA por lesa den e documento akinan. E documento ta inclui e lista di chekeo menciona den punto 4 akiriba cu mester entrega hunto cu e documentonan rekeri.

Comunicadonan

Botica na Warda (8:00pm-8:00am)

10 september 2021 -  16 september 2021

P'abou di brug: Botica Eagle

Adres: Caya Punta Brabo 17

Telefoon: +297 640 8443


P'ariba di brug: Botica San Nicolas

Adres: B v/d Veen Zeppenfeldtstraat 47

Telefoon: +297 584 9006

Meer info

Contacto

Orario di apertura:
dialuna pa diabierna
08:00-12:00 y 13:00-16:30

T: (+297)5262160
F: (+297)5882412
E: info@iva.aw

Adres

Schotlandstraat 45
Oranjestad
Aruba