E Klachtbeeld di Inspectie Volksgezondheid Aruba ta un raportahe anual traha pa Meldpunt IVA. Meldpunt IVA su obhetivo ta pa ta un punto di acceso unda clientenan por acudi cu pregunta, notificacionnan y/of kehonan tocante e calidad di cuido ricibi. Seccion Meldpunt ta informa y guia clientenan pa e proceso di tratamento di keho por bay na un manera profesional y eficiente. E raportahe di keho ta duna un bista di e tipo di notificacionnan y kehonan pa cada sector di cuido cu nos ta ricibi anualmente.

Un di e balornan fundamental di IVA ta transparencia. Door di publica un raportahe di keho anualmente cu ta inclui con IVA ta trata kehonan y notificacionnan, Meldpunt IVA kier contribui na e transparencia aki.

 

Un keho ta un indicador pa evalua un sistema di calidad. Analisis di keho ta duna informacion tocante e proceso di tratamento di keho y con esaki por yega na mehora e calidad di cuido. E registracion di keho y notificacionnan den cuido via Meldpunt ta genera informacion importante pa monitoria tendencianan. A base di e tendencianan aki, IVA ta scohe e areanan di vigilancia pa e aña siguiente.

 

Download 'Klachtbeeld IVA'

Akinan por download e Klachtbeelden di IVA. E prome Klachtbeeld ta di aña 2018 pa motibo cu esaki tabata e prome aña cu Meldpunt IVA por a colecta informacion di un aña completo.