Maneho dunadonan di cuido no autorisa

Dunadonan di cuido ta obliga pa ley pa ofrece cuido di bon calidad y na un bon nivel. Solamente profesionalnan cu ta registra den e registro basa riba e LBIG, ta autorisa pa eherce actividadnan profesional riba tereno di cuido di salud. Esaki ta nifica cu solamente e profesionalnan registra aki ta legalmente autorisa pa uza e titulo profesional pa cual nan ta registra den e registro.

Profesionalnan sin licencia ta forma un peliger real pa salubridad publico di Aruba door cu e personanan aki no a wordo ‘screened’ pa controla si nan ta cumpli cu tur e rekisitonan cu tin den LBIG.  

Akibou por lesa/download e maneho Dunadonan di Cuido No Autorisa (beleid Onbevoegde Beroepsbeoefenaars) cu ta describi e procedura cu IVA ta sigui ora identifica un profesional no autorisa.