Violencia den cuido
Kico ta violencia den e relacion di cuido?
Violencia den e relacion di cuido ta violencia den e relacion entre e profesional di cuido y e cliente, pero tambe entre cliente. IVA ta uza e mesun definicion di violencia den e relacion di cuido cu Inspectie Gezondheidszorg en Jeugd (IGJ) na Hulanda. IGJ ta describi violencia den e relacion di cuido di e siguiente forma:
“Seksueel binnendringen van het lichaam van of seksuele handelingen verrichten met een cliënt, alsmede geweld jegens een cliënt, door iemand die in dienst of in opdracht van een instelling of opdrachtnemer van een instelling werkzaam is, dan wel door een andere cliënt met wie de cliënt gedurende het etmaal of een dagdeel in een accommodatie van een instelling verblijft.”
Dicon ta importante pa notifica IVA di violencia den e relacion di cuido?
Banda di obligacion di e dunado di cuido pa notifica situacionnan di violencia den e relacion di cuido cerca IVA (segun articulo 8 inciso 2), dunadonan di cuido ta responsabel pa duna bon cuido. Bon cuido ta nifica cuido di bon calidad y di un bon nivel:
cu ta sigur, efectivo, eficiente y orienta na cliente, ta wordo suministra na tempo, y ta adapta na e necesidadnan real di e cliente;
caminda e dunadonan di cuido ta actua segun nan responsabilidad cu ta surgi for di e normanan profesional cu ta conta pa nan.
Pues como cliente, bo tin derecho riba bon cuido. Bon cuido no ta referi solamente na e aspectonan medico, pero tambe e aspectonan social: e ta tocante un relacion di cuido cu ta sigur. Un bon relacion di cuido ta basa riba confiansa y siguridad. Pa e motibo ey, e cliente mester por depende riba e expertisio di un dunado di cuido. Tur dunado di cuido (como e persona finalmente responsabel) mester por atende cu e cliente cuidadosamente y profesionalmente.
Ki situacionnan mi por haci un notificacion di dje?
Situacionnan cu bo por haci un notificacion di dje ta:
- Cualkier forma di violencia
- Comportacion sexualmente inaceptabel:
- Mensahenan, comentarionan, of accionnan sexualmente inapropia
- Desnudo innecesario
- Examinacion interno y externo innecesario
- Agresion sexual
- Violacion
- Drenta den un relacion sexual durante of despues di un tratamento
Con mi por entrega un notificacion?
Bo por entrega un notificacion of haci pregunta na diferente manera: personalmente, telefonicamente, email, of via whatsapp. Si ta desea, por deposita un notificacion por escrito tambe den e brievenbus di IVA.
Informacion di contacto Meldpunt IVA
Inspectie Volksgezondheid Aruba
Seccion Meldpunt IVA
Adres: Schotlandstraat 45, Oranjestad Aruba
Email: meldpunt@iva.aw
Telefon: +(297) 526 2166
Whatsapp: +297 593 6373