Relato Anual Casnan di Cuido
Den e articulonan 11 y 12 di e Landsverordening Verzorgingshuizen (AB 2015 no. 61), tin entre otro stipula cu casnan di cuido mester garantisa bon cuido y cu e mester ta organisa di tal forma cu semper ta cumpli cu e exigencianan di calidad, siguridad y orientacion riba e cliente. Segun articulo 15 di e Landsverordening Verzorgingshuizen, tur cas di cuido ta obliga pa entrega un relato relaciona cu e calidad di cuido cu ta wordo duna den e cas (por lo menos) un biaha pa cada dos aña. Pues, e aña aki na 2026, lo mester entrega un relato di e añanan 2024 y 2025.
Puntonan di atencion pa tene cuenta cu ne
E relato mester wordu manda na e siguiente email: kwaliteit@iva.aw.
ATENCION: esaki ta un email nobo compara cu e añanan anterior. Si bo manda e relato na un otro e‑mail, Inspectie no por garantisa cu e documento lo wordu ricibi pa 1 di juni 2026.
- No lo por aplasa entregamento di e relato. Tur relato mester wordo entrega no mas tarda cu 1 di juni 2026.
- Si Inspectie no ricibi e relato pa 1 di juni 2026, lo sigui e maneho di supervision y ehecucion.
- Actualisacionnan importante y recordatorionan relaciona cu e relato lo wordu publica (si ta necesario), riba nos pagina oficial di Facebook (https://www.facebook.com/iva.aua) y riba e website aki.