Supervisa y Ehecuta

E obhetivo di IVA ta pa monitoria y promove e calidad di cuido di salud. IVA ta haci esaki pa medio di su tareanan poni den ley. Ora cu IVA constata violacionnan di ley, e por tuma accion manera stipula den articulonan 21 pa 42 di e Landsverorderning kwaliteit in de gezondheidszorg (LKIG).

Pa logra su obhetivo di monitoria y promova calidad y siguridad den cuido di salud, IVA tin entre otro, e siguiente tareanan:

• Monitoria e cuido di salud general na Aruba;
• Realisa inspeccionnan periodico na dunadonan di cuido di salud, manera hospital, casnan  di cuido, botica y otro institutonan di cuido di salud;
• Supervision di sistemanan di calidad y siguridad di institutonan di cuido di salud;
• Monitoria e calidad di cuido di pashent, incluyendo cuido farmaceutico y e uzo di remedi;
• Supervision riba e proceso di keho di ciudadanonan of pashentnan;
• Enforsamento di ley y regulacionnan den e sector di cuido di salud.

Akibou tin varios componentenan relaciona cu e tarea di supervision di IVA. Klik riba un seccion pa lesa mas tocante di dje y/of pa download e maneho corespondiente.